Vandi fyri meslingum í helvtini av heimsins londum

Vandi er fyri, at barnasjúkan meslingar í ár fer ganga í meira enn helvtini av øllum heimsins londum, um einki ítøkiligt verður gjørt fyri at berja sjúkuna niður. 

Tað sigur heimheilsustovnurin WHO. 

Í Føroyum tekur Fólkaheilsustýrið støðuna í álvara, og hevur savnað saman allar koppsetingarskráir hjá kommunulæknaskipanini hjá Heilsutrygd og hjá øðrum, sum kunnu koppseta.

Bjarni á Steig, Korona

Bjarni á Steig er stjóri í Fólkaheilsustýrinum. (Savnsmynd: Bjarni Árting Rubeksen)

Og út frá heildarmyndini kunnu tiltøk setast í verk, um meslingasmittan nærkast Føroyum, men hetta er ikki aktuelt nú, sigur Bjarni á Steig, stjóri í Fólkaheilsustýrinum. 

Verða meslingar staðfestir í Føroyum, verður tað Landssjúkrahúsið sum viðger fyri tað. Men málið er at vera frammanfyri við eini skrá, sum ávarar, tá ið nógvir tilburðir eru á veg.

Hoyr innslag í útvarpstíðindunum: