Yvir ein milliard fólk eru alt ov tjúkk

Tað metir heimsheilsustovnurin WHO og okkurt um 1.500 granskarar í nýggjari altjóða kanning, skrivar danska kringvarpið.

Kanningin er grundað á dátur frá 220 milliónum fólkum í fleiri enn 190 londum. Kanningin er prentað í viðurkenda tíðarritinum Lancet.

Tølini vísa, at talið á fólki sum eru alt ov tjúkk er tvífaldað síðani 1990.

Tølini eru ikki tespilig, sigur Dirk Lund Christensen, sum er lektari í altjóða heilsu við lærda háskúlan í Keypmannahavn.

- Ógvuslig ovurfiti elvir til stórar trupulleikar, serstakliga í londum, sum hava trupulleikar við sínum heilsuverki, sigur hann.