Vilja hava forboð fyri sigarettsølu í 2030

Meiri enn ein triðingur av danskarum vilja hava, at tað frá 2030 verður ólógligt at selja sigarettir.

Tað vísir ein kanning, sum TrygFonden hevur gjørt, skrivar danska kringvarpið, DR. 

Tey 36 prosentini, sum vilja steðga sigarettsølu, vilja hava, at øll søla heldur uppat í 2030.

Vinnugreinafelagið hjá donsku tubbaksfyritøkunum er hinvegin ikki í iva, men sigur, at forboð elvir til økta ólógliga sølu av tubbaki. 

- Hugsjónin, at um okkurt verður forboðið, so hvørvur tað, riggar ikki. Serliga ikki, tá iðtað ræður um sigarettir, sigur Tine Marie Daell, stjóri hjá tubbaksframleiðarunum.