Politiið fann knívin, sum leitað varð eftir á sjónum í Klaksvík í gjár

Í gjár sóust løgreglufólk sigla runt á vágni í Klaksvík saman við Klaksvíkar sløkkiliði. 

Tað frættist skjótt, at politiið leitaði eftir einum luti, ið hevði samband við eitt harðskapsmál í Klaksvík sunnumorgunin. 

Nú er greitt, at tað var ein knívur, ið løgreglan leitaði eftir, og at knívurin nú er funnin. 

Eingin stungin

Løgreglan ger greitt, at eingin er stungin við knívinum, men at ein maður í tretivinum er skuldsettur fyri harðskap, bæði grovan og vanligan, og fyri hóttan í Klaksvík sunnumorgunin.

Maðurin var handtikin klokkan hálvgum fimm í gjár.

Og hann skal í grundlógaravhoyring í Føroya rætti eftir døgurða í dag.