BEINLEIÐIS LUTAKAST: EM-lagnan hjá føroysku hondbóltskvinnunum avgerast

BEINLEIÐIS LUTAKAST: EM-lagnan hjá føroysku hondbóltskvinnunum avgerast
Í dag verður greitt, hvørjum føroysku hondbóltskvinnurnar skulu spæla ímóti í EM-endaspælinum í november og desember. KvF vísir lutakastið frá kl. 16:45
Seinnapartin verður greitt hvørjum Føroyar skulu spæla ímóti í EM
 
18.04.2024 - 12:58

Seinnapartin verður lutakastið til EM-endaspælið í hondbólti hjá kvinnum. 

Tá verður greitt, hvørjum Føroyar skulu spæla ímóti í endaspælinum, sum verður í november og desember í ár.

Eisini verður avgjørt, um føroyingarnir skulu spæla bólkaspæl í Basel í Sveis, Innsbruck í Eysturríki ella í Debrecen í Ungarn.

>> HYGG AT LUTAKASTINUM HER

 

Føroyar í niðasta styrkisbólki

Talan er um fyrsta endaspælið hjá føroyska landsliðnum við kvinnum, og tær eru í fjórða og lægsta styrkisbólki til lutakastið seinnapartin.

Tað merkir, at Føroyar ikki koma í bólk saman við Kekkia, Ukraina, Turkaland, Portugal og Slovenia.

Ísland, sum Føroyar taptu tepurt fyri bæði heima og úti í undankappingini, eru í styrkisbólki 3, meðan Svøríki, sum fekk ein harðan dyst í Føroyum í apríl, er í ovasta styrkisbólki.

 

 

Landsliðsvenjarin, Claus Mogensen, segði við Portal.fo, at hann ynskir sær Ísland ella Norðurmakedónia úr 3. styrkisbólki, og annars eina av vertstjóðunum. Bakspælarin, Súna Krossteig Hansen, vildi eins og landsliðsvenjarin fegin sleppa at royna seg ímóti Íslandi eina ferð afturat. Tað segði hon við Portal.fo.

Kringvarpið sendir lutakastið beinleiðis í sjónvarpinum frá klokkan 16:45.

 

 

Er kopiera
Nýggjastu sendingar í ÚV
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Sunnudag 16. mars
Doktor Sophus (2:3)
189272
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226