Dart: Jan Erik norðurlendskt silvur

Jan Erik Fjallstein kastaði seg til silvur fyri einstaklingar í kappingini um norðulendsku meistaraheitini í darti, sum eru í Íslandi um vikuskiftið.

Eftir frálíkt spæl ígjøgnum kappingina, mátti hann taka til takkar við 2. plássið, tá hann tapti 7-1 fyri svianum Johan Engström í finaluni.

Í fjórðingsfinaluni vann føroyingurin, sum kappaðist fyri fyrstu ferð í altjóða kapping, á unga svenska stjørnuskotinum, Viktori Tingstrøm, men hesin hevði trupulleikar at lukka settini, og Jan Erik Fjallstein var eirindaleysur og vann 5-1.

Í hálvfinaluni var royndi sviin, Dennis Nilsson, mótstøðumaður. Dysturin var javnur, men føroyingurin helt fram við stórum effektiviteti, og vann drúgva dystin 6-3 til stóra frøi fyri hinar føroysku spælararnar, sum hugdu at.