Special Olympics: Heiðursmerki og hugni í Frederikshavn

Átjan føroyskir íðkarar kappaðust, tá Special Olympics-ítróttastevna var í Frederikshavn um vikuskiftið. 

Tey høvdu tað stuttligt, kappaðust ímóti øðrum enn teimum, sum tey vanliga kappast ímóti, og so vunnu tey eisini fleiri heiðursmerki.

Mirjam Hansen og Astrid Gullfoss endaðu á fyrsta plássi í Boccia, men sigurin kom als ikki óvart á tær báðar.

 - Ja, svaraðu tær ivaleysar, tá tær vórðu spurdar um, hvørt tær høvdu roknað við at vinna.

Gutti Eliassen bovlaði seg til eitt bronsuheiðursmerki.

 - Tað hevði eg ikki væntað, segði Gutti Eliassen, sum kanska ætlar sær at halda fram við bovlingini.