Ókeypis fyribyrging og frálæra um nøring hava færri fosturtøkur við sær

Ung í Føroyum áttu at fingið ókeypis fyribyrging í boði, og frálæra um nøring átti at verið kravd á miðnámsskúlum.

Tað heldur Diana Reynstind, serlækni í kvinnusjúkum á Landssjúkrahúsinum. 

Í Finnlandi er talið á tannáringum, sum fáa fosturtøku, minkað nógv. Árini 2000 til 2023 er talið minkað 66 prosent. Hjá teimum 18 ára gomlu og yngri er minkingin 78 prosent sama tíðarskeið.

Orsøking til minkingina er tilboðið um ókeypis fyribyrging og kravda frálæru um nøring í øllum skúlum, sigur finski heilsustovnurin THL, sambært finska kringvarpinum YLE.

Fyri sløkum 10 árum síðani kom tilboð um ókeypis fyribyrgingarevni í Finnlandi. 

Diana Reynstind, serlækni í kvinnusjúkum, mælir til, at ung í Føroyum kunnu fáa bjóðað ókeypis fyribyrging.

Hoyr innslag í útvarpstíðindunum: