Elframleiðslan 60 prosent grøn - SEV spart 700 tons av olju

Fyrstu fimm mánaðirnir í ár var elframleiðslan 60 prosent grøn.

Somu tíð í fjør var hon 56 prosent, sigur SEV.

Serliga vindorkan royndist betur í ár. Sólorkuframleiðslan í mai svaraði til nýtsluna hjá 65 húsarhaldum.

Eftirspurningurin eftir streymi vaks 5,14 prosent.

Men hann minkaði tó í mai. Hann minkaði 1,2 prosent fyri alt landið og 15 prosent í Suðuroynni.

Helst er verkfallið orsøkin, sigur Heri Mortensen, deildarleiðari hjá SEV.

SEV hevur spart 700 tons av olju higartil í ár, tí grøna orkan er so stór.