Snýta við kappingum á Facebook

Tað er vorðið alt meira vanligt við kappingum á Facebook, har fólk antin kunnu vinna pengar, gávukort ella onkra vøru.

Men nú royna KT-brotsmenn at lokka pengar úr fólki og skipa fyri følskum kappingum og lata sum um at talan er um eina veruliga kapping. Hetta hevur í seinastuni millum annað rakt handlar, sum selja føroysk klæði og silvur til klæðini. 

Fyritøkan silvur.fo, sum millum annað selir silvur til føroysk klæðir hevur skipað fyri eini kapping at vinna eitt gávukort. Hesa kapping hava brotsmenninir eftirapað og boðað fólki frá at tey hava vunnið og biða um eitt kontonummar innanfyri ein. Men hetta er ikki so.

Og Marjun Heima, sum selir føroysk klæðir, er eisini rakt av hesum, uttan at tey tó hava skipað fyri nakrari kapping. 

Hoyrið samrøðu við Majbritt Jacobsen, stjóra og eigara í Marjun Heimá her: