Beinleiðis samskifti um trygd millum USA og Føroyar

Trygdarpolitiskt og búskaparligt haldføri í norðurhøvum skal tryggjast.

Báðir partar eru samdir um, at Føroyar eiga ein týdningarmiklan lut.

Beinleiðis samskifti millum føroyskar og amerikanskar myndugleikar skal raðfestast. 

Tað var á skránni á fundinum í gjár millum amerikanska herflotamálaráðharran, Carlos Del Toro, og Høgna Hoydal, landsstýrismann.

Teir tosaðu eisini um ætlaðu føroysku sendistovuna í Washington og møguligt samstarv millum Føroyar og USA um nettrygd.

Føroyar serlig áhugamál

Carlos Del Toro takkaði fyri gott samstarv og dygdargóðar tænastuveitingar, millum annað í sambandi við kavbátavitjanir í Føroyum.

Herflotamálaráðharrin viðurkendi, at á fiskiveiðuøkinum hava Føroyar serlig áhugamál at røkja. 

Tí takkaði hann fyri tiltøkini, sum Føroyar hava sett í verk móti Russlandi. 

Eisini takkaði hann fyri stuðulin, Føroyar hava veitt Ukraina.

Fundurin í gjár var talgildur, tí Carlos Del Toro slapp ikki til Føroya mikudagin fyri veður.

Carlos Del Toro vónar at kunna koma til Føroya seinni.

Høgni Hoydal greiðir soleiðis frá fundinum: