Politiið í Grønlandi ger endaliga av, um Watson skal útflýggjast Japan

Politiið í Grønlandi handtók Paul Watson vegna standandi boð um handtøku, ið hevur staðið við síðan 2012.

Tað staðfestir danski løgmálaráðharrin, Peter Hummelgaard. 

Hansara embætisfólk arbeiða enn við at meta um, hvørt grundarlag er fyri at útflýggja Paul Watson til Japans ella ikki.

Danski løgmálaráðharrin, Peter Hummelgaard, sigur, at er tað grundarlag fyri at útflýggja Paul Watson til Japan, so er tað upp til politiið í Grønlandi at gera av, um treytirnar fyri útflýggjan eru til staðar.

Paul Watson var handtikin í Nuuk tann 21. juli og var tá varðhaldsfongslaður. Tann 15. august avgjørdi rætturin í Grønlandi, at tað var grundarlag fyri at leingja varðhaldsfongslingina fram til 5. september, og danski løgmálaráðharrin væntar, at danska løgmálaráðið er komið við einari avgerð áðrenn tað.