Nú eru fleiri elbilar enn bensinbilar í Noregi

Í Noregi koyra nú fleiri elbilar enn bensinbilar.

Tað boða norsku vegmyndugleikarnir frá, sambært DR.

Talið á elbilum er nú komið upp á 754.303, meðan bensinbilarnir eru 753.905 í tali.

Og hetta eru søgulig tøl, sigur Øyvind Solberg Thorsen, stjóri í upplýsingaráðnum hjá norska vegmyndugleikanum.

Eitt vegamót

- Hetta er eitt vegamót, sum ongin hevði væntað fór at henda fyri tíggju árum síðan, sigur hann.

Hóast elbilarnir nú eru fleiri enn bensinbilarnir, so eru dieselbilar framvegis á fyrsta plássi, tí fleiri enn ein millión dieselbilar koyra á norsku vegunum. 

Men sum gongdin er, verða væntandi fleiri elbilar enn dieselbilar longu í 2026, sigur Øyvind Solberg Thorsen.