Verjarnir krevja, at Watson verður latin leysur

Verjarnir hjá Paul Watson fara á rættarfundinum í morgin at krevja, at hann verður latin leysur, skrivar Sermitsiaq.

Paul Watson hevur verið í varðhaldi í Nuuk síðani 21. juli.

Japan vil hava Danmark at útflýggja hann.

Danska løgmálaráðið hevur biðið politiið í Grønlandi kanna, um grundarlag er fyri at útflýggja Watson.

Um tað arbeiði er liðugt, fæst ikki at vita fyrr enn á rættarfundinum í morgin.

Sermitsiaq hevur spurt bæði ákæruvaldið í Nuuk og Løgmálaráðið, men tey hava ongar viðmerkingar.