Skeljafiskiskapurin hjá O.C.Joensen MSC góðkendur

O.C.Joensen á oyri, sum í nógv ár hevur rikið fiskiskap eftir Jákupsskel, hevur nú fingið fiskiskapin MSC góðkendan.

Tað upplýsir íslendska felagið: Vottunarstofan Tún ehf., sum í 14 mánaðir hevur arbeitt við at fáa skeljafiskiskapin góðkendan.

Góðkenningin hevur við sær, at royndin eftir skeljum er burðardyggur, og O.C. Joensen kann nýta merkið hjá MSC, tá vøran verður seld.

Umboðsmaðurin hjá MSC í Íslandi og Føroyum, Gisli Gislason, fegnast um, at tað hevur eydnast at fáa skeljafiskiskapin góðkendan.

Skeljarnar verða seldar á europeiska marknaðinum, serliga í Hollandi og Fraklandi.

Eitt skip hevur loyvi at dreggja eftir skeljum.

Í 2010 fiskaði skipið sløk 4.900 tons, og í 2011 sløk 4.700 tons.