Taptu dystin men vunnu føroyameistaraheitið

Kvinnurnar hjá NSÍ tryggjaðu sær í dag sítt fyrsta føroyameistaraheitið og kunnu kalla seg greipuvinnarar.

Tær gulu vitjaðu Víking í Sarpugerði, og hóast tær taptu 3-2, kundu tær gleðast um FM-heitið, sum er komið til høldar eftir ein sera góðan endaspurt.

NSÍ vann kappingina við 46 stigum. KÍ, sum vann 4-1 á HB í dag, fekk eisini 46 stig, men málmunurin hjá runavíkingum er níggju mál betri. Víkingur, sum leingi var fremst, endaði á 3. plássið við 43 stigum. 

Rúna Olsen legði NSÍ á odda tíðliga, áðrenn Lea Lisberg og Jensa Tórolvsdóttir skutu heimaliðið framum. Helga Mikkelsen javnaði fyri NSÍ stutt eftir steðgin, men í yvirtíðini tryggjaði Lea Lisberg Víkingi sigurin.

Hoyr samrøðu, sum Jógvan Skeel Nolsøe gjørdi við Heidi Sevdal, liðskipara