Fyrsti stóri skipatunnilin verður gjørdur í Noregi

Sambært Kystverket fara 81 prosent av dagsins skipaferðslu at kunna brúka tunnilin, og tá er eisini talan um skipini hjá Hurtigruten og stóru cruiseskipini.

Páll Nielsen, ið er skipari á farmaskipinum Silver Pearl, siglur javnan í hesum økinum, og hann sigur at tað ofta er illveður og tung alda í hesum økinum, og tí kemur hesin siglingartunnilin væl við. Eisini vísur hann at tað eitt nú er nógv aling í økinum.

Harumframt kann tunnilin eisini gerast gagnligur fyri umhvørvið, tí sum er verður stórur partur av farminum fluttur á trailarum heldur enn við skipi. Og tá ið tunnilin er komin er hugsandi at farmaflutningurin á sjónum fer at økjast munandi.

Páll Nielsen sigur eisini at tað verður spennandi og flott at sigla gjøgnum Stad Skipstunnel, tá hesin verður liðugur.

Samrøðan við Páll Nielsen kann hoyrast her: