Dýrari at fáa vørur tollaðar og at skylda landskassanum pening

Tað verður dýrari at fáa vørur tollaðar uttan fyri vanliga arbeiðstíð og at skylda landskassanum pengar.

Fíggjarmálaráðið og TAKS mæla til at hækka avgreiðslugjøldini fyri tollavgreiðslur uttan fyri vanliga arbeiðstíð og gjøldini fyri at krevja inn falna skuld til landskassan.

Í prosentum er hækkingarnar stórar.

Fyri tollavgreiðslur hækkar gjaldið, sum kom í 2023, úr 450 upp í 600 krónur.

Og gjaldið fyri skuld fer úr 30 upp í 100 krónur. Tað hevur verið 30 krónur síðani 2010.

Gjaldið er fyri hvønn rykkjara fyri skatt, avgjøld, barnapening, rokningar og annað.

Kunngerðirnar um gjøldini skulu koma í gildi 1. mars.