Grand Prix luttøkan hevur longu givið nógv

Grand Prix luttøkan hevur longu givið nógv
Hóast hon hevur nógv um at vera, kennir Sissal seg ikki strongda av at vera við í tónleikakappingini. - Eg royni at njóta hesa tíðina, sigur hon
 
25.02.2025 - 11:46
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 


Tað er nú leygarkvøldið, at Sissal Jóhanna Norðberg Niclasen er við í Melodi Grand Prix kappingini í Boksini í Herning.

Sangurin eitur Hallucination, og hann er sambært veddingarfyritøkunum stórfavorittur at strúka avstað við fremsta plássinum og soleiðis geva atgongd til Eurovision í Basel í Sveits.

Seinasta framrokningin sigur, at tað er 53 prosent møguleiki fyri, at Hallucination vinnur danska Grand Prixið.

Longu nú kann Sissal staðfesta, at Grand Prix luttøkan hevur givið nógv. Spælingar á stroymingartænastunum vinda upp á seg, og fleiri útvarpsstøðir hava sett Hallucination á sínar playlistar.

- Eg trúgvi upp á sangin, men vinnur hann ikki, gert ikki við, sigur Sissal, sum gleðir seg til sínar tríggjar minuttir á pallinum.

Fíggjarkarmurin er avmarkaður, og tí er pallframførlan einføld. Nógv er gjørt við tað, sum sæst á bakskíggjanum, men fokus verður fyrst og fremst á Sissal.

Kendi føroyski sjónvarpsframleiðarin, Per Zachariasen, hevur veitt eina hjálpandi hon í sambandi við pallsetingina.

Longu nú ber til at atkvøða fyri teimum átta sangunum á Grand Prix Appini hjá DR.

 

Er kopiera
Nýggjastu sendingar í ÚV
Nýggjastu sendingar í SV
Sunnudag 1. juni
Guðstænasta
192678
Leygardag 31. mai
Norðoyastevna 2025: 10 MANNAFØR
192646
Leygardag 31. mai
Norðoyastevna 2025: 5 MF KVINNUR
192643