- Tíðindi, mentan og ítróttur
Ákæri: Okkara greiða fatan, at málini føra til dóm
Ákæri: Okkara greiða fatan, at málini føra til dóm
Seks fólk eru ákærd í stóra rúsevnamálinum. Ein hevur játtað seg sekan og sigur, at hann var einsamallur um smuglingina
Føroya rættur er fluttur oman á Hotel Hafnia at viðgera stóra rúsevnamálið.
Mynd: Bjarni Árting Rubeksen
03.03.2025 - 13:33
- Tað er okkara greiða fatan, at málini fara at føra til dóm.
Tað sigur Ingi Midjord, ákæri, nú størsta rúsevnamál higartil í Føroyum byrjaði í Føroya rætti í morgun.
Seks fólk eru ákærd fyri at smugla 23 kilo av hassji og 3,8 kilo av amfetamini til Føroya.
Ein teimum av seks játtaði seg sekan og sigur, at hann var einsamallur um smuglingina.
Av tí at málið er so umfatandi, er ikki pláss í hølunum hjá Føroya rætti, og rættarviðgerðin er tí á Hotel Hafnia.
Hoyr Emil Lisberg Jacobsen greiða frá úr rættinum og samrøðu við Inga Midjord, ákæra:
03042025_Rusevnamal
Øll vikan er sett av at viðgera rúsevnamálið í rættinum.
Hildið verður fram at avhoyra tey ákærdu seinnapartin í dag og í morgin. Mikudagin verða vitni avhoyrd, og hósdagin og møguliga fríggjadagin verður dómsviðgerð.
Dómur verður eftir ætlan sagdur í málinum fríggjadagin.
Myndir: Bjarni Árting Rubeksen
Er kopiera
Nýggjastu sendingar í ÚV
Nýggjastu sendingar í SV
