Dizzy Mizz Lizzy fer at spæla á Tórsfest

Dizzy Mizz Lizzy fer at spæla á Tórsfest
Kendi danski rokkbólkurin Dizzy Mizz Lizzy verður eitt av høvuðsnøvnunum á Tórsfest í miðbýnum í Havn beint fyri ólavsøku, 25. juli
Limirnir í Dizzy Mizz Lizzy eru Tim Christensen, Martin Nielsen og Søren Friis
Mynd: Robin Skjoldborg  
 
14.03.2025 - 16:42

Øll tey, ið vóru ung í nítiárunum, kenna stóru hittini hjá danska rokkbólkinum Dizzy Mizz Lizzy av sjálvnevndu gjøgnumbrots- og debutplátuni. 

"Silverflame", "Love Is a Looser's Game" og "Waterline". 

Tað er ikki ov nógv sagt, at Dizzy Mizz Lizzy, við Tim Christensen á odda á sangi og gittara, legði ríkið fyri sínar føtur í 90unum.

Debutplátan er bestseljandi danska rokkplátan nakrantíð, og bólkurin eigur eisini eitt heilt serligt pláss í hjørtunum hjá mongum føroyingum. 

Bólkurin gav út útgávuna "Rotator" í 1996, sum eisini stóð seg væl. Bólkurin gjørdist eisini sera væl umtóktur í Asiu.

Men í 1998 gjørdu teir tríggir, Tim Christensen, Martin Nielsen og Søren Friis, av at fara hvør til sítt.

 

Silvurlogin tendraði aftur

Bólkurin var kúrrur til 2010, tá teir aftur spældu eina konsertferð saman, og tá tendraði silvurlogin aftur, kanst tú siga. Og í 2014 varð kunngjørt, at bólkurin nú aftur var virkin. 

Men tað er ikki fyrstu ferð, at Dizzy Mizzy Lizzy koma til Føroya at spæla, sum tað annars verður pástaðið í tíðindaskrivinum frá fyriskiparunum. Dizzy, sum bólkurin eitur á mannamunni, var eitt av høvuðsnøvnum á G! festivalinum í 2015

Afturat Dizzy Mizz Lizzy, so koma Ankerstjerne, Branco, Dave Evans, Eivør, Gavin DeGraw, Poptös, Kristina Bærendsen, Sandro Cavazza og Zak Abel at spæla á Tórsfest í ár.

Er kopiera
Nýggjastu sendingar í ÚV
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Sunnudag 16. mars
Doktor Sophus (2:3)
189272
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226