Atlantic Petroleum í andaleypi

Tað hevur ikki eydnast oljufelagnum Atlantic Petroleum enn at gera semjur við tey, sum oljufelagið skyldar pening.  

Samráðingarnar við teir stóru kreditorarnar eru á endaligum stigi, men tað er ikki vist, at tað eydnast at finna eina loysn, sum kann góðtakast, innan ásettu tíðarætlanina.

Atlantic Petroleum sigur í tíðindaskrivi, at eydnast tað ikki at fáa eina loysn á skuldarspurninginum, hórar felagið ikki undan.

Stovnað í 1998

Nakrar stórar føroyskar fyritøkur stovnaðu Atlantic Petroleum í 1998, og fleiri túsund føroyingar settu partapening í føroyska oljufelagið. 

Sum er, fær felagið bara inntøkur úr eini oljuleið, Orlando, sum er norðaliga í Norðsjónum. Men inntøkan er ov lítil. Áður hevur Atlantic Petroleum verið uppi í fleiri oljuleiðum. 

Fríggjadagin fæst at vita, hvussu samráðingarnar um skuldina vignaðust. Ársroknskapurin fyri 2024 verður lagdur fram 30. Apríl.