Fríðbjørg Sunadóttir Fríðheim er nýggjur skúlastjóri í Skúlanum á Trøðni

Skúlin á Trøðni hevur fingið nýggjan skúlastjóra.

Tað er Fríðbjørg Sunadóttir Fríðheim.

Hon 53 ára gomul, og var útbúgvin lærari á Blaagaard Seminarium í 1997. 

Í 2012 tók hon serlæraraútbúgving á Fróðskaparsetrinum.

Í 2019 tók Fríðbjørg diplom í námsfrøðiligari leiðslu.

Harafturat hevur hon førleikament seg við skeiðum og øðrum í sernámsfrøði og leiðslu.

Í løtuni er Fríðbjørg Sunadóttir Fríðheim varaskúlastjóri í Kollafjarðar Skúla.

Fríðbjørg Sunadóttir Fríðheim tekur við starvinum á Trøðni 1. august.

Hon tekur við eftir Jan Christiansen, sum fer frá við eftirløn í heyst.

Hann hevur síðani 1982 arbeitt í skúlanum á Trøðni og síðani 2005 sum skúlastjóri.

11 umsóknir vóru til skúlastjórastarvið. 

Í skúlanum á Trøðni eru 60 næmingar 7 til 18 ára gamlir og 45 starvsfólk, lærarar og námsfrøðingar.

Skúlin á Trøðni er einasti serskúli í landinum.