Aksel um veljarakanning: Vit mugu eisini taka í egnan barm

- Tað hava verið nøkur mál í løgtinginum hetta várið, sum hava møtt stórari mótstøðu, og tí eri eg ikki so kløkkur av úrslitinum. Men vit mugu eisini taka í egnan barm.

Tað sigur Aksel V. Johannesen, formaður í Javnaðarflokkinum, til seinastu veljarakanningina, sum vísir, at Javnaðarflokkurin fer úr níggju niður í fimm tinglimir.

Aksel V. Johannesen sigur, at pensjónsaldurin er eitt illa umtókt mál, og tað hevur hann verið tilvitaður um, men tá ið tú situr við ábyrgd, ber ikki til bara at hugsa um næsta løgtingsval, men eisini um nýggj ættarlið, og at fáa haldførið aftur á beint. 

- Men eg og samgongan hava tikið í egnan barm við at taka pensjónsuppskotini aftur, og vit taka í hondina, sum fakfelagsrørslan hevur rætt politisku skipanini, sigur hann.

Hoyr samrøðu við Aksel V. Johannesen í útvarpstíðindunum: