Sambandsflokkurin verður ikki partur av eini tjóðarsemju

Tað var í gjár, at Aksel V. Johannesen, løgmaður, segði við útvarpið, at hann væntaði eina breiða semju, sum allir flokkar fara at taka undir við.

Men Bárður á Steig Nielsen, formaður í Sambandsflokkinum, sigur, at Sambandsflokkurin tekur ikki undir við semjuni.

Í samrøðuni við útvarpið í gjárkvøldið segði Aksel V. Johannesen, løgmaður, at ætlanin er at fáa semju um, at tað skulu vera trý lond javnstillað í sterkum felagsskapi.

Formaðurin í Sambandsflokkinum heldur, at hetta er at taka seg burturúr ríkisfelagsskapinum.

Bárður á Steig Nielsen vil varðveita tey rættindi, sum vit í dag hava í ríkisfelagsskapinum.

Fundur týsdagin

Týsmorgunin í næstu viku hittast forfólkini í politisku flokkunum á fundi í Tinganesi um ríkisrættarligu støðuna.