Í myndum: Fyrsti dagur bjóðaði upp á smasj og spurtir

Føroyska badmintonliðið  lat ongan iva verða um, at tey ætla sær at endurvinna gullið í liðkappingini.

Ynys Môn, Caymanoyggjarnar og Guernsey bjóðaðu av í bólkaspælinum, og øll máttu taka til takkar við 5-0 ósigri fyri sterka føroyska liðnum, sum hevði allar spælararnar á vøllinum.

Á rennibreytini gekst eisini væl. Allir føroyingarnir uttan ein vunnu seg víðari úr innleiðandi umførunum í antin finalur ella hálvfinalur.

SÍ EISINI: Frælsur ítróttur: Frá sukse til sukse

 

Magnus Dal-Christiansen smasjar í blandaðum tvímansleiki ímóti Guernsey, sum mátti taka til takkar við 5-0 ósigri fyri Føroyum.

 

Oddvør Josephsen rann ein góðan 100 metur, og kom í finaluna saman við Elisabet Holm Simonsen.

 

Miriam í Grótinum og Magnus Dal-Christiansen fegnast eftir sigur í blandaðum tvímansleiki. Eingin steðgaði Føroyum, sum vann tríggjar ferðir 5-0

 

Eisini Julian Gregersen var sannførandi, tá hann rann undir fýra minuttir í 1500 metrum.Kappingin verður hørð, men hann ætlar at gera alt, hann kann, fyri at røkka einum heiðursmerki.

 

Jónas Djurhuus og Christian Berg Petersen spæla í tvímansleiki. Í morgin fyrrapartin er hálvfinala ímóti Menorka á skránni, og ein møgulig finala verður klokkan 18.

 

Tað vóru tey beru smíl í badmintonhøllini í Pickaquoy-ítróttadeplinum, har Føroyar smasjaði alla mótstøðu til viks og spældu seg í hálvfinaluna 

 

 

Elisabet Holm Simonsen fegnast eftir at hon hevði runnið seg í finaluna í 100 metur renning saman við Oddvør Josephsen. Føroyskt met skal helst til, um tað skal røkka til heiðursmerki, segði venjarin Heri Ziska, men tær hava tað í sær.