USA tekur seg úr UNESCO

USA tekur seg úr UNESCO

Sambært talskvinnuni hjá amerikanska uttanríkisráðnum, Tammy Bruce, er USA ikki longur áhugað í at vera ein partur av stovninum, sum er ST-stovnurin fyri mentan.

- UNESCO er ein stovnur, ið er settur í verðina til at fremja eina "globalistiska, ideologiska dagsskrá fyri altjóða menning, sum gongur ímóti "America first-uttanríkispolitikkinum" hjá amerikansku stjórnini, sigur Tammy Bruce.

ST-stovnurin, sum m.a. stendur fyri listanum um heimsarv, virkar eisini sum altjóða miðdepil fyri upplýsing um menning innan útbúgving, vísindi, mentan og samskifti.

Aðalskrivarin hjá UNESCO harmast avgerðina hjá Donaldi Trump, forseti, sum kemur í gildi við árslok 2026.