Tað krevur hvørki loyvi ella skráseting at stroyma vevmyndir í Føroyum

Alsamt fleiri vevmyndatól eru um allar Føroyar, men har er einki yvirlit hvussu nógv eru, sigur Tóri Højgaard, stjóri í Dátueftirlitinum.

Vevmyndatól stroyma beinleiðis, og vísa veðrið ymsastaðni um alt landið.

Vevmyndatól eru øðrvísi enn vakmyndatól, ið hava sum endamál at taka upp og halda eyga við, til dømis fólki og handlum.

Eftirlitið við vevmyndatólum er ikki eins og umfatandi sum við vakmyndatólum, og tað krevur hvørki loyvi ella skráseting at seta upp vevmyndatól og stroyma vevmyndir:

- Tó eru undantøk, um vevmyndatólini eru ov nær við sethús og vegir, á ein hátt, so at fólk kunnu eyðmerkjast, tí tá er dátuverndarlógin galdandi, sigur Tóri Højgaard.

Hesum greiðir Tóri Højgaard nærri frá, í innslagi í Degi og viku.