Fingu einki úr Tjóðbankanum í fjør og fyrraárið

Landskassin fekk ikki eitt oyra frá Tjóðbankanum í 2023 og 2024.

Men í ár væntar landsstýrið at fáa fimm milliónir krónur.

Landskassin hevur rætt til at fáa ein part av yvirskotinum hjá Tjóðbankanum.

Men einki var lutað út í 2023 og 2024.

Hall og avlop

Tjóðbankin hevði 8,5 mia. kr. í halli í 2022 og 10,6 mia. kr. í avlopi í 2023. 

Landsstýrið væntaði at fáa fimm milliónir í fjør fyri 2023. Men har kom ikki eitt oyra, hóast Tjóðbankin hevði avlop í 2023.

Landskassin fær part av yvirskotinum, sum ríkið fær frá Tjóðbankanum.

Partur landskassans verður roknaður sum lutfallið millum føroyska seðlaumfarið og alt seðlaumfarið í ríkinum við ársenda.