Avleiðingar greinast neyvari áðrenn vindmyllur kunnu setast upp

Felagið, sum ætlar at seta sjey vindmyllur upp í Klivaløkshaga á Sandi, má brynja seg við toli. 

Yvirfriðingarnevndin samtykti í síðstu viku, at tað skal lýsast neyvari, hvørjar avleiðingar vindmyllurnar kunnu fáa fyri fuglastovnarnar í økinum. 

Tí heitir Yvirfriðingarnevndin á umsøkjaran um at fáa til vega eina fakliga greining, hvørjar avleiðingar vindmyllurnar kunnu fáa fyri fuglastovnarnar sum frálíður.
 

Náttúrufriðingarnevndin fyri Sandoyar sýslu gav í oktober loyvi til vindmyllurnar og vegin.

Umhvørvisstovan gav í februar einum felagi, sum Johan í Niðristovu og onnur ætla at stovna, loyvi at seta myllurnar upp vestan fyri Sands bygd.

Umframt loyvi frá Yvirfriðingarnevndini skal ein umhvørvisgóðkenning eftir umhvørvisverndarlógini eisni fáast.  

Harafturat skal Sands kommuna broyta byggisamtyktina fyri økið og geva byggiloyvi til veg til ætlaðu vindmyllulundina.  Avtala skal eisini gerast við jarðareigarnar í økinum.

Hoyr innslag úr tíðindunum kl 18: