"Hjá Langgard” ella “Hjá Mikkjal” letur aftur aftaná hálva øld

Í Klaksvík er vanligt at fara ein túr til Mikkjal ella Langgard - sum tað eitur í dag - í døgurðasteðginum.

Men hesar dagarnar hevur Óli Langgard, eigari av Kjøthandlinum í KIaksvík, serliga nógv at gera.

Hann hevur fyri kortum boðað frá, at hann letur aftur aftaná 52 ár.

Aftaná til samans 52 ár eru nógvir døgurðar farnir um diskin í Kjøthandlinum í Klaksvík.

Hann byrjaði í starvið hjá Mikkjali Joensen, sum tá átti Kjøthandilin, tá hann var 15 ára gamal.

Og nú hann er vorðin 67 ár, hevur hann gjørt av at takka fyri seg.

- Hetta er mítt hjartað, og tað hevur verið ein tung avgerð at taka, sigur hann.