Flogfelagið Play í gjaldsteðg - rakar fleiri túsund ferðafólk

Íslendska flogfelagið Play er farið í gjaldsteðg eftir risastórt fíggjarligt tap.

Leiðslan hevði ætlanir um at umskipa felagið og flyta nakað av virkseminum av landinum, men tey hava gjørt greitt, at tað var ov seint. 

Tey hava avgjørt at gevast við flúgvingini.

Tað merkir, at umleið 400 fólk missa arbeiði, allar flogferðir eru avlýstar, og túsundtals ferðafólk noyðast at umleggja ferðina heim til Íslands, skrivar íslendska kringvarpið RÚV.

Play var stovnað eftir at Wow Air fór á húsagang í 2019. 

Gjaldssteðgurin eru góð tíðindi fyri Icelandair, sambært íleggjarum. 

Kursurin á partabrøvum í Icelandair hækkaði 17, eftir at tíðindini um Play í gjaldsteðgi bórust.