- Tíðindi, mentan og ítróttur
Fekk munnkurv frá sjúkrahúsinum - Heilsumálaráðið mátti upp í leikin
Fekk munnkurv frá sjúkrahúsinum - Heilsumálaráðið mátti upp í leikin
Tað er ikki ókent, at starvsfólk fáa forboð frá arbeiðsgevaranum at úttala seg alment, sigur formaðurin í Starvsfelagnum
Jens Sivar Djurhuus fekk munnkurv, men tá aðalstjórin í Heilsumálaráðnum kom upp í málið, varð munnkurvin tikin burtur.
08.10.2025 - 09:35
Tað var um reppið, at navngivna vitnið, sum tók myndina av opna hekkuportrinum á Galaxy, stóð fram um alment, tí hann hevði fingið munnkurv frá Suðuroyar sjúkrahúsi. Aðalstjórin í Heilsumálaráðnum mátti upp í leikin.
Í innliti, sum Kringvarpið hevur fingið úr Heilsumálaráðnum sæst, at Bjørgfríð Ludvig, aðalstjóri, ringdi til stjóran á Suðuroyar sjúkrahúsi, Hanus Toftheyggj, har tey umrøddu talufrælsið hjá starvsfólkunum.
Súni Selfoss.
Aðalstjórin gav sjúkrahússtjóranum boð um at tosa við advokat at fáa greiði á málinum. Stutt eftir boðaði Hanus Toftheyggj Bjørgfríð Ludvig frá, at starvsfólkið varð kunnað um talufrælsið og rættindini, hann hevði.
Munnkurvin varð tikin burtur, og Jens Sivar Djurhuus slapp at úttala seg.
Formaðurin í Starvsfelagnum, Súni Selfoss sigur, at tað ikki er óvanligt at starvsfólk fáa munnkurv og halda seg aftur at úttala seg.
Hoyr innslag í útvarpstíðindunum:
08092025_Galaxy_og_talufraelsi
Er kopiera
Nýggjastu sendingar í ÚV
Nýggjastu sendingar í SV
