Almennu útreiðslurnar vóru 15 milliardir í fjør

Almennu útreiðslurnar í Føroyum vóru 15 milliardir krónur í fjør, 830 milliónir meira enn í 2023, skrivar Hagstovan.

Lønir kostaðu 407 milliónir krónur meira í fjør enn í 2023. 

Vøksturin sæst serliga á økinum almannavernd, har stórur partur av starvsfólkunum eru í fakbólkum, sum fingu lønarlyft í 2024.

Almenni geirin hevði 224 mió. kr. í halli í fjør.

Almenni geirin er land, kommunur, danskir ríkisstovnar og sosialir trygdargrunnar, so sum ALS og Samhaldsfasti.