- Tíðindi, mentan og ítróttur
Framvegis ógreitt, nær H-bygningurin verður liðugur
Framvegis ógreitt, nær H-bygningurin verður liðugur
Sýnsfrágreiðing er gjørd, og sambært henni eru útreiðslurnar til umvælingar mettar at vera 14,5 mió. kr.
Í uppskotinum um fíggjarlóg fyri 2026 eru 15 mió. kr. settar av til umvælingar av H-bygninginum og gerðarættarmál.
24.10.2025 - 07:46
Ikki ber til at siga, hvussu nógv H-bygningurin hjá Landssjúkrahúsinum kostar, og nær hann verður liðugur.
Tað sigur Súsanna Bertholdsen landsstýriskvinna, í svari til Johan Dahl, løgtingsmann.
Ein sýnsfrágreiðing er gjørd.
Partarnir, teir eru Landsverk og byggifelagið MT Højgaard, hava til 6. november at gera viðmerkingar um hana.
Í sýnsfrágreiðingini eru útreiðslurnar til umvælingar mettar at vera 14,5 mió. kr.
Í uppskotinum um fíggjarlóg fyri 2026 eru 15 mió. kr. settar av til umvælingar og gerðarættarmál.
Í ár eru 1,6 mió. kr. tøkar til fyrireikandi kanningar og prosjektering, og til at gera bráðfeingis ábøtur, tí lekar eru.
Er kopiera
Nýggjastu sendingar í ÚV
Nýggjastu sendingar í SV
