Føroyar fyri fyrstu ferð til EM U23 í vektlyfting

Tað er Niels Áki Mørk, sum skal kappast til EM U23 í 65 kg flokkinum.

Kappingin verður hildin í Tirana í Albania frá 27. oktober til 4. november, og føroyski lyftarin Niels Áki Mørk skal kappast mikudagin 29. oktober kl. 19 lokala tíð.

Í tíðindaskrivi sigur Føroya styrkisamband, at málið við luttøkuni er at lyfta bæði persónligt og føroyskt met. Luttøkan til EM U23 er eitt týdningarmikið stig fyri føroyska vektlyfting, og vísir eisini, at greinin er í ferð við at vinna altjóða fótafesti.