Bretski verjumálaráðharrin: Russiskt skip njósnast við bretska markið

Bretski verjumálaráðharrin, John Healey, sigur í røðu í dag, at eitt russiskt njósnaraskip er á markinum til bretskan sjógv norðan fyri Skotland.

Tað skrivar Sky News.

Sambært verjumálaráðharranum er talan um eitt skip, sum er "gjørt til fregnarvirksemi og at kortleggja" undirsjóvarkaðlar. 

Yantar

Caption: 

Mynd: British Minister of Defence

Av hesi orsøk hevur bretski herurin valt at senda eina Royal Navy-fregatt og RAF-flogfør út at hava eftirlit við og fylgja skipinum.

Hann greiðir eisini frá, at russiska skipið hevur beint lasarar móti bretskum hernaðarflogskiparum.

Hann gav eisini Vladimir Putin eina ávaring í røðu síni: "Vit síggja teg, vit vita, hvat tú gert, vit eru klár, og um Yantar (skipið, journalist.) siglir suður hesa vikuna, so eru vit til reiðar”, sigur bretski verjumálaráðharrin.

Verjumálaráðharrin leggur dent á, at hetta er aðru ferð í ár, at russiska skipið hevur verið at sæð í bretskum sjógvi, og tað heldur hann er sera hættisligt.