Noreg og Russland fara nú at samráðast um fiskiskapin í Barentshavinum

Nú er avgjørt, nær Noreg og Russland fara at samráðast um fiskiskapin í Barentshavinum næsta ár.

Tað verður frá 8. desember til 12. desember.

Samráðingarnar vera talgildar.

Tí boðar norska fiskimálaráðið fra.

Marianne Sivertsen Næss, fiskimálaráðharri, væntar strævnari samráðingar í ár enn undanfarin ár, millum annað tí, tvey russisk reiðarí eru sett á svartalista.

Neyðugt at varðveita samstarvið

Men bæði londini eru samd um, at alneyðugt er at varðveita samstarvið um at umsita fiskin og stýra fiskiskapinum í Barentshavinum.

Tað hevur tað verið í stívliga hálvthundrað ár. Tað byrjaði í 1974.

Fiskifrøðingar í báðum londum mæla til, at ikki verða fiskað meira enn 270.000 tons av toski í Barentshavinum næsta ár.

Hetta eru 14 prosent minni enn tilmælið var fyri 2025, og 21 prosent minni enn kvoturnar, londini góvu  sær í ár.

Toskakvotan í Barentshavinum er minkað síðani 2021. 

Landsstýrið hevur ikki enn boðið Russlandi til samráðingar um fiskiveiðisáttmála fyri næsta ár.