926 fosturtøkur í Grønlandi í fjør

Í fjør vóru 926 fosturtøkur í Grønlandi.

Og tað vóru færri enn í 2023, tá talið var 1034.

Tað vísa tøl hjá landslæknanum í Grønlandi.

Yngsta gentan, sum fekk fosturtøku í fjør, var 13 ár. Elsta kvinnan var 46 ár.

Miðalaldurin var 27 ár.

Markið er 12 vikur

Markið er 12 vikur. Er farið út um 12 vikur, skal søkjast um loyvi.

Tað gjørdu 35 í fjør og 28 í 2023. Allar, sum søktu í fjør, fingu loyvi.

Átta kvinnur, sum søktu um undantak í fjør, vóru yngri enn 18 ár.

Í Føroyum vóru 42 fosturtøkur í 2023. Talið fyri 2024 er ikki tøkt enn.