Daniel avloysir Hjalmar í stjórasessinum á Vónini

1. mars næsta ár fær Vónin nýggjan stjóra.

Hjalmar Petersen, sum hevur verið stjóri síðani 2001, hevur gjørt av at gevast, skrivar Vónin í tíðindaskrivi.

Hjalmar Petersen

Hjalmar Petersen. (Mynd: Vónin)

Nýggi stjórin verður Daniel Hákunsson Dam, sum hevur verið fíggjarstjóri hjá Vónini síðani ársbyrjan 2021.

Daniel Hákunsson Dam er 35 ára gamal, úr Klaksvík og útbúgvin búskaparfrøðingur.

Vónin ger fiskireiðskap og aliútgerð, og hevur deildir í Noregi, Grønlandi, Kanada og Russlandi umframt fleiri serdeildir í Føroyum.

Á Vónini starvast 500 fólk.