Volkswagen letur verksmiðju aftur í Týsklandi

Týski bilframleiðarin Volkswagen letur eftir 20 ár aftur verksmiðjuna í Dresden.

Ongantíð áður í 88 ára longu søguni hjá Volkswagen hevur bilframleiðarin stongt eina av sínum verksmiðjum í Týsklandi, men í morgin fer seinasti bilurin at rulla av linjuni á verksmiðjuni í Dresden, skrivar Financial Times.

Síðani verksmiðjan í Dresden læt upp í 2002, hevur hon framleitt slakar 200.000 bilar, eisini ID3-modellið, og tað er minni enn helvtin av framleiðsluni á høvuðsverksmiðjuni í Wolfsburg.

Útreiðslurnar skulu minka

Volkswagen hevur ætlanir um at minka um útreiðslurnar, serliga í Týsklandi. 

Í fjør varð kunngjørt, at fyritøkan fór at skerja starvsfólkahópin við 35.000 fólkum. 

Lítil eftirspurningur úr Kina og nýggjur amerikanskur tollpolitikkur eru millum orsøkirnar til fíggjarligu støðuna.

Tekniska universitetið í býnum leigar nú verksmiðjuna í Dresden til gransking og menning av vitlíki, skrivar Financial Times