Putin: Frystur peningur er rán

Russiski forsetin, Vladimir Putin, helt í morgun ein drúgvan tíðindafund, har hann svaraði fleiri spurningum frá áhoyrarum og journalistum.

Putin var m.a. spurdur um avgerðina hjá ES, um ikki at brúka frystar russiskar pengar til at fíggja Ukraina í 2026.

- Teir hava ikki stolið alt enn, men teir royna støðugt. Higartil hevur tað ikki eydnast teimum, svarar forsetin.

Putin sigur, at hann heldur, at "stuldur" ikki er hóskandi lýsing av royndini hjá ES, tí myndugleikarnir í Evropa hava gjørt greitt, at teir vilja taka frysta peningin - uttan at fjala útyvir tað.

- Hetta er rán. Og hví eydnast teimum ikki at fremja hetta ránið? Tí avleiðingarnar kunnu vera álvarsligar fyri ránsmenninar, sigur Putin.

Russiski forsetin sigur eisini, at Russland er sinnað at fara í rættin fyri at verja síni áhugamál og frysta peningin í Evropa.