- Tíðindi, mentan og ítróttur
Skifta verksmiðjuna á Norðborg - ov dýrt at byggja nýtt skip
Skifta verksmiðjuna á Norðborg - ov dýrt at byggja nýtt skip
Mest fekk arbeiðið í kapping við útlendskar skipasmiðjur
Norðborg skal hava nýggja verksmiðju, og arbeiðið fer at taka umleið hálvt ár.
26.01.2026 - 10:56
Uppisjóvarskipið Norðborg fer at liggja á Havnini næsta hálva árið, meðan verksmiðjan verður skift.
Jón Rasmussen, formaður í nevndini hjá Christiani í Grótinum, sigur, at tað er alneyðugt at skifta verksmiðjuna.
Norðborg er 16 ára gomul, og einki er skift á verksmiðjuni hesi árini.
Upprunaliga ætlanin hjá Christiani í Grótinum var at lata eina nýggja Norðborg byggja, men tann ætlanin var slept, tí tað gjørdist ov dýrt. Nýtt skip hevði kostað meira enn 800 milliónir kr.
Arbeiðið verður gjørt á Mest, sum fekk arbeiðið í kapping við útlendskar skipasmiðjur.
Tilsamans kosta arbeiðið og nýggja verksmiðjan umleið 140 milliónir krónur.
Hoyr innslag í útvarpstíðindunum:
26012026_Jon_Rasmussen_
Er kopiera
Nýggjastu sendingar í ÚV
Nýggjastu sendingar í SV
