Mótmæli móti ICE gera mun - Bovino fer úr Minneapolis

Mótmæli hava verið um alt USA móti framferðini hjá innflytaramyndugleikanum, ICE, og nú sær út til, at tey hava fingið ávirkan. 

Mótmælini hava serliga verið í statinum Minnesota, eftir at ICE-agentar skutu og drupu amerikanska ríkisborgaran, Alex Pretti, leygardagin. 

Hetta var annar skottilburður henda mánaðin, har ICE skeyt og drap ein av íbúgvunum í Minneapolis. 7. januar doyði Renee Good eisini á hendan hátt.

Hetta sær út til at hava við sær, at ovastin fyri marknavørðirnar, Gregory Bovino, fer úr Minneapolis, og letur uppgávuna at stýra ICE-agentunum har frá sær. Hann heldur tó fram sum leiðari fyri Border Patrol í USA sum heild. Í hansara stað kemur Tom Homan, sum stóð á odda fyri ICE í fyrra valskeiðnum hjá Trump, og sum verður  "markna-tsarurin." 

Minneapolis og mótmæli

Taka væl ímóti tíðindunum

Í Minnesota verða tíðindini um, at Gregory Bovino fer, væl móttikin. Statsadvokaturin í Minnesota segði við CNN í gjárkvøldið, at Minnesota-búgvar hava fingið meir enn nóg mikið av Bovino. 

Borgarstjórin í Minneapolis sigur seg vera fúsan at samstarva við marknaðar-"tsarin" Tom Homan - um so er, at hann fer at byrja ein konstruktivan dialog og finna felags stev, skrivar danska TV2.

CNN og Fox News skriva, at fundur verður millum Tom Homan og borgarstjóran í dag.