- Tíðindi, mentan og ítróttur
Skjóta upp at lækka kolvetnisskattin niður í 18 prosent
Fyri at fáa gongd á aftur oljuleitingina við Føroyar, eigur kolvetnisskatturin at lækka úr 27 prosentum niður í 18 prosent, sum er vanligur partafelagsskattur.
Tvey tingfólk úr hvørjum flokki í andstøðuni hava lagt fram uppskot um at lækka kolvetnisskattin.
Uppskotið sigur oljuvinnuni, at Føroyar taka væl í móti nýggjari oljuleiting, siga tingfólkini.
Tey vísa eisini á, at upprunaliga var kolvetnisskatturin tann sami sum partafelagsskatturin.
Tey siga, at sambært uppskotinum fer markskattatrýstið á oljuskattainntøkum úr 56,2 prosentum niður í 50,8 prosent.
Elsebeth Mercedis Gunnleygsdóttir og Beinir Johannesen í Fólkaflokkinum, Eyðdis Hartmann Niclasen og Bárður á Steig Nielsen í Sambandsflokkinum, og Jenis av Rana og Steffan Klein Poulsen í Miðflokkinum eiga uppskotið.
