Ungarn brúkar sýtingarrættin at læna Ukraina pengar

Týski kanslarin, Friedrich Merz, biður ES um at finna aðrar hættir at veita Ukraina 90 milliardir evrur í láni, eftir at Ungarn í gjár nýtti sýtingarrættin, veto, móti láni til Ukraina.

Merz segði hetta í røðu eftir ES-toppfundin seinnapartin í gjár, har ungarski forsætisráðharrin, Viktor Orban, nýtti sýtingarrættin móti láninum til Ukraina. 

Eisini Slovakia atkvøddi í móti láninum. Úrslitið gjørdist, at 25 av 27 londum atkvøddu fyri, og tað er ikki nóg mikið. Ein avgerð skal samtykkjast einmælt.

Merz kallar sýtingarrættin hjá Orban fyri "eina álvarsliga óreina gerð."

- Hetta fer at síggjast aftur, segði Merz við tíðindafólk, tá toppfundurin endaði í Brússel.