Málini: Liðskiparin legði Ísland upp á lærið

Liðskiparin legði Ísland upp á lærið, tá Føroyar vunnu 35-30 í EM-undankappingardystinum við Tjarnir mikukvøldið.

Pernille Brandenborg legði fyri við tveimum teimum fyrstu føroysku málunum, og tá tímin var spældur var strikan skrásett fyri 12 mál upp á 12 skotroyndir.

SÍ EISINI: Shit, vit eru kular

Tað vóru tølini, men liðskiparin útstrálaði eisini vinnaravilja frá fyrsta bríksli, og so fylgdi alt liðið henni. 

Hon vildi ikki sita aleina og kúra í Rumenia í desember, segði hon eftir dystin, og vísti til komandi skiftið til rumenska høvuðsstaðarfelagið CSM Bucuresti.

Tað sleppur hon mest sannlíkt undan, tí sigurin á Íslandi tryggjaði mest sannlíkt Føroyum pláss í EM-endaspælinum í vetur. Triðja endaspælið á rað hjá føroysku kvinnunum.