Elias ikki við í lagnudystum um HM-pláss

Tá føroyski manslandsliðshópurin til lagnudystirnar ímóti Bosnia um HM-pláss verður kunngjørdur í morgin, verður Elias Ellefsen á Skipagøtu ikki á listanum, sambært portal.fo

Tað er dyggur smeitur fyri føroysku HM-kjansirnar, at Elias Ellefsen á Skipagøtu ikki verður við ímóti Bosnia

Mynd: Kollektif

Símun Christian Olsen

16.04.2026 - 21:34

Elias Ellefsen á Skipagøtu er somikið illa darvaður av skaða í økslini, at hann ikki verður við í lagnudystunum hjá Føroyum ímóti Bosnia um HM-pláss.

Hópurin til røkkstøkk-dystirnar verður kunngjørdur í morgin, men Kiel-spælskiparin verður ikki á listanum, skrivar portal.fo.

Gávuríki spælskiparin fekk skaða í økslina fyri jól. Hann var ivasamur til EM-endaspælið í januar, men spældi kortini, tá Føroyar vóru fá mál frá at koma í miðumfarið.

Síðan hevur hann bert verið at sæð í einstøkum dystum hjá týska stórliðnum, og nú tykist greitt, at hann ikki verður tikin út til dystirnar ímóti Bosnia, sum verða spældir 14. og 16. mai.

Harumframt er sera ivasamt um strikuspælarin Ísak Vedelsbøl fær spælt. Hann hevur skaða í fingurinum, sum er verri enn áður hildið, og skal undir skurð eftir hetta kappingarárið, sambært portal.fo.