Hákun og Füchse í týsku steypafinaluni

Hákun West av Teigum setti punktum, tá Füchse Berlin vann á Lemgo og spældi seg í tysku steypafinaluna í dag.

Føroyski vongurin skeyt síðsta málið hjá høvuðsstaðarfelagnum til støðuna 39-36, og Füchse Berlin skal spæla finalu í morgin ímóti ??

Hákun West av Teigum var sum altíð tryggleikin sjálvur. Hann skoraði upp á allar tríggjar skotroyndirnar í einum dysti, har Füchse Berlin var frammanfyri næstan allatíð.

Ein løtu ímøti endanum var munurin kortini ikki stórur, men við málum frá Mathiasi Gidsel, Lasse Andersson og til endans føroyska landsliðsvonginum eydnaðist at vinna trygt kortini. 

Í hinari hálvfinaluni eydnaðist tað heilt óvæntað Bergischer at vinna á Magdeburg eftir longda leiktíð og brotskastskaspping, og tað merkir, at Füchse Berlin er stórfavorittur at vinna gullið í morgin.