Tríggjar kommunur ætla at byggja fótbóltshøll

Tríggjar kommunur hava søkt Fótbóltssambandið um stuðul til at byggja innandura fótbóltshøll.

Tað sigur Kristin Dam Ziska, aðalskrivari í FSF við Portal.fo. 

Aðalskrivarin ikki vil siga, hvørjar kommunur talan er um.

FSF skal nú hava fundir við kommunurnar um verkætlanirnar.

- Hetta kann veruliga kann flyta føroyskan fótbólt. Slíkar hallir geva heilt aðrar møguleikar - serliga til leikaramenning, sigur aðalskrivarin í FSF við Portal.fo.

15-20 prosenti stuðli

FSF veitir kommununum 15- 20 prosent í stuðli av samlaða prísinum,  í serstøkum føri kann størri stuðul latast. 

Stuðul verður latin til fótbóltshallir í fullari stødd og til smærri fótbóltshallir - sokallaðar 9’ara og 7’ara hallir.

Fótbóltssambandið fer nú at kanna umsóknirnar og tekur síðani støðu til, hvussu stóran stuðul kann veitast.

19 milliónir

FSF hevur møguleika at søkja um íalt 19 milliónir krónur úr FIFA Forward 3.0-skipanini, og stuðulin til kommunurnar verður í fyrstu atløgu latin til verkætlanir, sum verða framdar í ár og næsta ár, skrivar FSF.fo.

Ein marghøll er í landinum. Hon er í Vági.